UKE KUTANUKA KWA UJAUZITO
Uke kutanuka kwa Mjamzito ni hali ambayo uke wa mama mjamzito huongezeka ukubwa au mzingo wake zaidi kuliko kipindi ambacho mama hakuwa mjamzito,Katika kipindi cha ujauzito, mwili wa mama huwa na mabadiliko mengi ya kiakili,kimaumbile, kisaikolojia na kihisia.
Miongoni mwa mabadiliko ya kawaida ni kutanuka kwa uke. Akina Mama Wajawazito wengi hujiuliza: Kwa nini uke hutanuka wakati wa ujauzito? Je, ni jambo la kawaida au la kuhatarisha?
Kwa nini uke hutanuka wakati wa ujauzito?
Uke wa mwanamke umetengenezwa kwa misuli laini na ngozi yenye uwezo mkubwa wa kutanuka au kunyumbuka ambayo husaidia kuhimili mabadiliko mbalimbali. Wakati wa ujauzito, mambo yafuatayo huchangia uke kutanuka:
1. Homoni za ujauzito
Katika kipindi cha ujauzito, mwili huzalisha homoni kama relaxin na estrogen kwa wingi. Homoni hizi:
- Huongeza mtiririko wa damu kwenye eneo la nyonga na uke
- Hufanya misuli na tishu za uke kulegea ili kujiandaa kwa kujifungua
- Huchangia kwenye kupungua kwa msisimko wa misuli ya uke
2. Kuongezeka kwa uzito wa mtoto tumboni
Uzito unaoongezeka tumboni huongeza shinikizo kwenye eneo la nyonga, ambalo linaunganisha uke, kibofu, na mfuko wa uzazi. Hali hii inaweza kupelekea hisia ya “uzito” au “uvimbe” kwenye uke.
3. Kuongezeka kwa mtiririko wa damu
Tishu za uke hujaa damu zaidi wakati wa ujauzito, hali inayoweza kufanya uke uonekane mkubwa, mwekundu au wa bluu kwa mbali ambayo ni hali ya kawaida.
Je, ni hatari?
Kutanuka kwa uke wakati wa ujauzito sio hatari na mara nyingi ni sehemu ya maandalizi ya mwili kwa ajili ya kujifungua. Hata hivyo, kuna hali zinazoweza kuchanganya:
- Kuvimba sana kwa uke au mdomo wa uke kunaweza kuashiria maambukizi au mkandamizo wa mishipa ya damu.
- Ikiwa kuna maumivu, uchafu usio wa kawaida, harufu mbaya au kuwasha si salama, Hivyo ni vema kuona na mtaalam wa afya.
Je, kuna athari baada ya kujifungua?
Baada ya kujifungua, uke unaweza kuchukua muda wa mwezi 1 na nusu (Wiki 6) kurejea katika hali yake ya kawaida. Hata hivyo, wanawake wengi hurudi kwenye hali ya kawaida kwa msaada wa mazoezi ya misuli ya nyonga (kama mazoezi ya Kegel), lishe bora, na muda mwingi wa kupumzika.
Vidokezo vya kukabiliana na mabadiliko ya uke kipindi cha ujauzito:
- Fanya mazoezi ya nyonga (Kegel): Husaidia kuimarisha misuli ya uke na kibofu.
- Vaa nguo za ndani za pamba: Huzuia joto kupita kiasi na maambukizi.
- Epuka sabuni zenye kemikali kali: Tumia sabuni laini au maji pekee kusafisha uke.
- Pumzika na epuka kubeba vitu vizito: Hupunguza shinikizo kwenye uke.
- Zungumza na daktari wako: Ikiwa una wasiwasi wowote, hasa kuhusiana na hali ya uke au hisia zisizo kawaida.
Kutanuka kwa uke wakati wa ujauzito ni jambo la kawaida na sehemu ya maandalizi ya mwili kwa ajili ya kujifungua. Ni muhimu kwa mwanamke kuelewa kuwa mwili wake unafanya kazi kubwa na ya kipekee ya kuunda maisha mapya. Ikiwa kuna mabadiliko yanayohitaji uangalizi wa kitabibu, usisite kuzungumza na Dr.Mwanyika WhatsApp.
Kumbuka: Mabadiliko haya si sababu ya aibu bali ni ishara ya uzazi wenye baraka ya maisha!, Karibu sana
No comments.