DALILI ZA MTOTO KUGEUKA TUMBONI MWA MJAMZITO {CEPHALIC PRESENTATION}.

DALILI ZA MTOTO KUGEUKA TUMBONI MWA MJAMZITO {CEPHALIC PRESENTATION}.

Mtoto kugeuka (Cephalic Presentation) maana yake Nini?
Mtoto kugeuka ni vile Mtoto anapokuwa amegeuza kichwa chini kwenye Nyonga ya Mjamzito na pia Sura ya Mtoto kuangalia nyuma na chogo cha kichwa kuwa sehemu ya mbele au kwenye kinena cha Mwanamke Mjamzito.

Wajawazito 90 kati ya 100 Watoto wao hugeuza kichwa chini na sura kugeuzia nyuma (Occipital Anterior Position) hii ni kawaida kabisa na ndio inavyotakiwa ili Mjamzito aweze kujifungua kawaida vile vile Wajawazito 5 hadi 10 kati ya Wajawazito 100 wanaobaki wao Watoto wao hugeuza kichwa chini na sura kuwa mbele yaani Mtoto ana mchungulia Mama yake 😄😄😄 (Occipital Posterior Position) hawa huweza kujifungua kwa njia ya kawaida au wakafanyiwa Upasuaji endapo Uchungu hauendi ipasavyo.

Mtoto huanza kugeuka ktk Ujauzito Mimba inapofikisha wiki 20 hadi kabla ya Wiki 36 au Miezi 5 hadi Miezi 9 kasoro yaani kabla ya Wiki 37 na kuendelea.

Tafiti zinaonesha kwamba Wajawazito 75 kati ya Wajawazito 100 mpaka kufikia wiki ya 28 huwa tayari watoto wamegeuka tayari hivyo mpaka kufikia wiki 37 na zaidi ni wajawazito 3 tu kati ya Wajawazito 100 ambao Watoto huwa hawajageuka (Breech Presentation)

DALILI ZA MTOTO ALIYEGEUKA TUMBONI MWA MJAMZITO.
Dalili ambazo Mjamzito anaweza kuhisi endapo Mtoto ameshageuka ni kama;

1. Kuhisi mtikisiko au Mtoto kucheza zaidi sehemu ya juu ya kitovu au Maeneo ya Mbavu.
   Endapo Mtoto amegeuka na amegeuza sura nyuma na chogo mbele (Occipital Anterior Position) Mjamzito atasikia Mtoto anacheza zaidi juu ya kitovu na maeneo karibia na Mbavu hii ni kutokana na Miguu yake kuwa maeneo hayo.
2. Kuhisi mtikisiko au Mtoto kucheza zaidi sehemu ya kitovu au sehemu ya kati na mbele ya Tumbo la Mjamzito.
   Hii hutokea endapo Mtoto ameshageuka ila amegeuza sura mbele ya Nyonga na chogo iko nyuma ya Nyonga (Occipital Posterior Position) kwa baadhi ya Wajawazito wachache.
3. Kuhisi Mgandamizo au Presha zaidi kwenye Nyonga, hii huweza kutokea kwa baadhi ya Wajawazito wanaweza kuhisi hivyo endapo mtoto amegeuka na ameshuka kwenye Nyonga ya Mjamzito.
4. Kuhisi mvutiko au kuvuta kwenye Nyonga hii huweza kuashiria Mtoto amegeuka na ameshuka kwenye Nyonga hususani Mimba ya Miezi Mitatu ya mwishoni.
5. Mapigo ya Moyo ya Mtoto kusikika sehemu ya chini ya Tumbo yaani chini ya kitovu inawezekana upande wa kushoto au upande wa kulia endapo Mjamzito atasikilizwa mapigo ya Moyo ya Mtoto aliyeko Tumboni mwake.

NB: Baadhi ya Wajawazito walio wengi huweza kuhisi Mtoto anacheza chini ya kitovu au upande wa kushoto na kulia ktk Ujauzito wao na Mtoto huyo akawa amegeuka tayari inawezekana ameshuka kwenye Nyonga ndio maana anacheza chini ya kitovu au upande wa kushoto au kulia tofauti na Dalili zinavyoelezea pale juu , usijali kama unachanganyikiwa unaweza kwenda hospitali, Kituo Cha Afya au Zahati na Mkunga, Nesi au Daktari akakusaidia kujua mkao wa Mtoto kwa njia za kitalamu na uhakika zaidi.

JINSI YA KUJUA MTOTO AMEGEUZA KICHWA CHINI AU MKAO WA MTOTO KITALAMU.
Madaktari au wahudumu wa Afya huweza kukusaidia kujua Mkao wa Mtoto aliyeko Tumboni mwako kwa kufanya haya:

1. Kuchunguza au Kukagua Tumbo la Mjamzito (Leopold maneuvers), Ambapo Nesi, Mkunga au Daktari hukagua Tumbo lako na kujua Mtoto wako aliyeko Tumboni amekaaje na amegeuka au lah hii huleta majibu sahihi kwa 99% japokuwa hutegemeana na Ujuzi wa huyo mhudumu wa Afya.
2. Kufanya Ultrasound, Baadhi ya Wajawazito endapo watafanya ultrasound huonesha Mtoto aliyeko Tumboni mwao amegeuka au mkao wake na huwa na uhakika au usahihi wa 100%.

KUMBUKA
Kama Mimba yako haijafikisha wiki 36 na Mtoto hajageuka basi usihofu Mtoto atageuka tuu, Kwa kawaida Mtoto atakuwa ametanguliza makalio endapo Mimba imefikisha wiki 36 au zaidi na Mtoto hajageuka bado.